Erlaxazioa ezinbesteko praktika da haurrentzat nahiz helduentzat. Baina garrantzitsua da erlaxazioa zer den ongi ulertzea. Inertziaz gelditzea, etzatea, ezer ez egitea… hori guztia ez ezik, gorputzaren eta adimenaren atsedena lortzea ere da erlaxazioa.

Helduek bezala, haurrek ere hainbat motatako tentsioak izan ohi dituzte: fisikoak, adimenekoak, emozionalak… Zentzumenak oso aktibo dituzte, zeregin ugari eskolan nahiz eskolaz kanpo, desira ugari… Horrek guztiak estres-maila handitzen du, eta, hori normalizatzen bada eta ez bazaio aurre egiten, kalte handiak eragin litzake epe luzera.

Erlaxazioaren bidez, tentsioak askatuko ditugu, bai gorputzetik, bai eta adimenetik ere. Hemen ditugu hainbat proposamen.

Testuak: Yoke Yoga Klasiko elkartea
Marrazkiak: Paula Estevez

Itzuli Haurrentzako yoga sarrera-orrira.